Dr Natalie Roch

Derbyniodd Natalie ei gradd gyntaf ym Mhrifysgol Cymru, Bangor yn 2008 mewn Seicoleg, ac yna ei MSc mewn Ymchwil Seicolegol hefyd ym Mhrifysgol Cymru, Bangor yn 2010. Yn ystod 2009 a 2010 gweithiodd Natalie fel Cynorthwyydd Ymchwil yn Labordy Datblygiad Gwybyddol yr Ymennydd ym Mhrifysgol Bangor, cyn cyflawni ei PhD mewn Seicoleg yn y labordy ymchwil hwn yn 2015.

Teitl ei thraethawd ymchwil PhD oedd ‘Dwyieithrwydd a Gwybyddiaeth: Dull ERP’. Ar ôl cwblhau ei PhD, ymunodd Natalie â Phrifysgol Wrecsam fel Technegydd Seicoleg yn 2016. Oddi yno fe’i penodwyd yn Ddarlithydd mewn Seicoleg Fiolegol yn 2017, gan ddechrau ei swydd o Uwch Ddarlithydd ac Arweinydd y Rhaglen Israddedig mewn Seicoleg yn 2018. Derbyniodd Natalie ei Chymrodoriaeth o AU Ymlaen yn 2017, a statws siartredig gyda’r BPS yn 2018.

Yn 2022 penodwyd Natalie yn Brif Ddarlithydd yn y Gyfadran Gymdeithasol a Gwyddorau Bywyd, a hi sy’n gyfrifol am oruchwylio’r adrannau Seicoleg a Chwnsela. Pan nad yw’n gweithio ym Mhrifysgol Wrecsam, mae Natalie yn mwynhau treulio amser gyda’i theulu; yn caru popeth Disney a Marvel; wrth ei bodd â chwaraeon gan gynnwys pêl droed a reslo; ac yn mwynhau mynychu’r theatr a gigiau cerddorol.